Friday 3 July 2009

നാടകം ആരംഭിക്കുകയായി


ഹൃദയരേ....

രണ്ടാമത്തെ ബെല്ലോടെ നാടകം ആരംഭിക്കുകയായി. അതിനുമുന്‍പ് ഒരു വാക്ക്.

വര്‍ഷങ്ങളായി ഈ നാടകം അരങ്ങിലും, ഗ്രന്ഥങ്ങളിലും, പാഠപുസ്തകത്തിലുമൊക്കെയായി വായിക്കുകയും, ആസ്വദിക്കുകയും, പഠിക്കുകയുമൊക്കെ ചെയ്തുകൊണ്ടിരിക്കുന്ന ലോകത്തിലങ്ങോളം ഇങ്ങോളമുള്ള കലാസ്വാദകരായ നല്ല ജനങ്ങള്‍ക്ക് ഗ്ലോബ് തീയറ്ററിന്റെ കൂപ്പുകൈ.

നിങ്ങള്‍ ഏവരുടേയും അനുഗ്രഹാശീര്‍വാദത്തോടെ ശ്രീമതി തേ ഷറോക്കിന്റെ സംവിധാനത്തില്‍ ശ്രീ.ഡിക്ക് ബേ‍ഡ് രൂപകല്‍പ്പന ചെയ്ത്, ശ്രീ. സ്റ്റീഫന്‍ വാര്‍ബെക്ക് കമ്പോസ് ചെയ്ത, ഈ നാടകത്തിന്റെ തിരശ്ശീല ഉയരുകയായി.

കഥ - ആസ് യു ലൈക്ക് ഇറ്റ്.
രചന - വില്യം ഷേക്‍സ്പിയര്‍
വേദി - ഷേക്‍സ്പിയര്‍ ഗ്ലോബ് തീയറ്റര്‍ ലണ്ടന്‍.
അരങ്ങില്‍ - പ്രധാന കഥാപാത്രങ്ങളെ അവതരിപ്പിച്ചുകൊണ്ട് നവോമി ഫ്രെഡറിക്കും‍(റോസലിന്‍ഡ്), ജാക്ക് ലാസ്കിയും(ഓര്‍ലാന്‍ഡോ) മറ്റ് 20ല്‍പ്പരം അനുഗ്രഹീത കലാകാരന്മാരും.

മുന്‍‌കാലങ്ങളില്‍ ‍സാക്ഷാല്‍ ഷേക്‍സ്പിയര്‍ തന്നെ പലപ്പോഴും കഥാപാത്രമായി പ്രത്യക്ഷപ്പെട്ടിട്ടുള്ള, തേംസ് നദിക്കരയിലെ അതിപ്രശസ്തമായ ഷേക്‍സ്പിയര്‍ ഗ്ലോബ് തീയറ്ററില്‍ നിന്നൊരു നാടക സദസ്സിന്റെ ദൃശ്യം.

23 comments:

ramanika 3 July 2009 at 15:58  

തേംസ് നദിക്കരയിലെ അതിപ്രശസ്തമായ ഷേക്‍സ്പിയര്‍ ഗ്ലോബല്‍ തീയറ്ററില്‍ നിന്നൊരു നാടക സദസ്സിന്റെ ദൃശ്യം
കാട്ടിത്തന്നതിന് നന്ദി ആയിരമായിരം നന്ദി

അനില്‍@ബ്ലോഗ് // anil 3 July 2009 at 16:34  

ആ തൂണുകള്‍ക്ക് പോലും ഒരുപാട് കഥ പറയാനുണ്ടാവും.

വയനാടന്‍ 3 July 2009 at 17:29  

ഓർമ്മളിലെ അമ്പലപറമ്പുകളിലേക്കു കൂട്ടിക്കൊണ്ടുപോകുന്നു ഈ ചിത്രം.
തലക്കെട്ടും മനോഹരം.

എങ്കിലും ഫ്രെയിമിലെ ആ 'തല' ഒഴിവാക്കാൻ അൽപനേരം കൂടി കാത്തു നിൽക്കാമായിരുന്നില്ലേ!!

ചാണക്യന്‍ 3 July 2009 at 20:26  

നീരൂ....നന്ദി..

ഓടോ: ബ്രൂട്ടസിനെ കൊന്ന സീസറിനെകുറിച്ചുള്ള നാടകവും ഇവിടെയാണോ അരങ്ങേറിയത്...:):):):)

പാവപ്പെട്ടവൻ 4 July 2009 at 00:31  

നല്ല ചിത്രം ..ഒരു ചരിത്രം ഓര്‍മയിലേക്ക്

Unknown 4 July 2009 at 01:02  

വേഗം ആകട്ടെ കാത്തിരിക്കാൻ തുടങ്ങീട്ട് എത്ര നാളായീ

ഹരീഷ് തൊടുപുഴ 4 July 2009 at 03:28  

ചേട്ടാ,

ഇതിനേപറ്റിയുള്ള കുറച്ചുകൂടി ചിത്രങ്ങള്‍ എടുത്ത് പോസ്റ്റമോ??

അരുണ്‍ കരിമുട്ടം 4 July 2009 at 03:31  

ടിര്‍ര്‍ര്‍ര്‍്‌...

രണ്ടാമത്തെ ബെല്ല്!!!

സമാന്തരന്‍ 4 July 2009 at 04:22  

കാഴ്ച പകര്‍ത്തി തന്നതിന് നന്ദി..
അവിടെ ഇപ്പോഴും നാടക സംസ്കാരം ജീവുതത്തോടൊട്ടിയാണ്. ഒരു നാടകാവതരണത്തിന് അവിടെ ഇത്രയും പേരുണ്ടെങ്കില്‍ ഇവിടെ (തൃശൂരിലെ അനുഭവം)കാണാനുണ്ടാവുക ഇത്തിരി പേരായിരിക്കും..

ആശംസകള്‍..
26ന് കാണാമെന്ന് കരുതുന്നു.

കണ്ണനുണ്ണി 4 July 2009 at 04:32  

ബെല്ല് അടിച്ചതൊക്കെ മതി....
നാടകം തുടങ്ങിക്കെ വേഗം :)

വാഴക്കോടന്‍ ‍// vazhakodan 4 July 2009 at 06:27  

നാടകം ആരംഭിക്കുന്നതിനു മുമ്പ്‌ വേദിക്ക് പുറത്തുള്ള വിളക്കുകള്‍ അണച്ച് തന്ന് കമ്മറ്റിക്കാര്‍ സഹകരിക്കണം എന്ന് അഭ്യര്‍ത്തിക്കുന്നു. അടുത്ത ഒരു ബെല്ലോടു കൂടി നാടകം ആരംഭിക്കുന്നതായിരിക്കും.... :)

നാട്ടുകാരന്‍ 4 July 2009 at 12:20  

ഇതുപോലുള്ള ചരിത്ര സ്മാരകങ്ങള്‍ എന്നും എനിക്കൊരു ഹരമാണ്. നന്ദി ......

ധനേഷ് 4 July 2009 at 12:57  

ഈ "ഷേക്‍സ്പിയര്‍ ഗ്ലോബല്‍ തീയറ്റര്‍" “ഷേക്‍സ്പിയര്‍ ഗ്ലോബല്‍ തീയറ്റര്‍” എന്നു കേട്ടിട്ടുണ്ടോ?
അവിടുത്തെ സ്ഥിരം സന്ദര്‍ശകനും പ്രധാന കാണിയുമാ ഈ നില്‍ക്കുന്ന നിരക്ഷരന്‍ സാറ്...
(ചുമ്മാ കയ്യീന്നിട്ടതാ..)

വിവരംവെപ്പിക്കുന്ന വിവരണങ്ങള്‍ക്ക് നന്ദി...

Appu Adyakshari 4 July 2009 at 17:11  

ഈ തിയറ്റര്‍ കാണിച്ചുതന്നതിനു നന്ദി നിരക്ഷരാ

താരകൻ 4 July 2009 at 18:39  

ഗ്ലോബൽ തിയ്യറ്ററെന്നു പറയുമ്പോ ഒരു ഗോളം പോലെ തിരിഞ്ഞ് രംഗപടങൾ മാറി മാറിവരുന്ന തിയ്യറ്റരാണെന്നായിരുന്നു ധാരണ.ഒരൊറ്റ ചിത്രത്തിലൂടെ ആ ധാരണമാറ്റിയതിനു നന്ദി. ഈ ചിത്രം പണ്ട് അടിമകൾ മല്ലയുദ്ധം നടത്തിയിരുന്ന ‘അരീന’കളെ ഓർമ്മിപ്പിക്കുന്നു

sHihab mOgraL 4 July 2009 at 18:52  

നന്ദി നിരക്ഷരാ..

Unknown 5 July 2009 at 17:43  

കൊള്ളാം ഈ കാഴ്ച്ച.

പി.സി. പ്രദീപ്‌ 6 July 2009 at 02:33  

അയ്യോ‍ാ തുടങ്ങല്ലേ.... ഞാനും കൂടി കയറി ഇരിക്കട്ടെ.ങാ.. ആദ്യ സീന്‍ കൊള്ളാല്ലോ:)

ശ്രീഇടമൺ 6 July 2009 at 06:56  

നന്ദി...
:)

Ashly 6 July 2009 at 08:09  

ഹും ...ഇതാണോ ഫോടോ ? ഇങ്ങനെയന്നോ ഫോടോ പിടിക്കുനത് ? ലൈറ്റിംഗ് ശരിയില്ല ....ആംഗിള്‍ ശരിയില്ല...വൈറ്റ് ബാലന്സിനു യാതൊരു ബാലന്‍സും ഇല്ല. ബ്ലാക്ക്‌ ബാലന്‍സിന്റെകാരിയും പറയാനേ പ്റൂല്ല....

അസൂയ മൂത്ത്, ഞാന്‍ ചാവേറിനെ വിട്ടു ചെറായില്‍ വച്ചു, നീരുവിനെ ഇക്കിളിയിട്ട് കൊല്ലുനതായിരിക്കും !!! രക്ഷപെടാന്‍ ആഗ്രഹം ഉണ്ടെങ്കില്‍, കൊണ്ടുവന്ന "ഷേക്‍സ്പിയറിന്റെ ഒരു കൊച്ചു ശില്‍പ്പം" എത്രയും വേഗം എനിയ്ക്ക് കൊറിയര്‍ ചെയ്യണം

ഈ സെറ്റപ്പ് ഞാന്‍ ഷേക്‍സ്പിയര്‍ ഇന്‍ ലവ് എന്ന ഫിലിമില്‍ മാത്രമേ കണ്ടിട്ടുളൂ :(

Manikandan 6 July 2009 at 17:52  

ഞാൻ എത്തിയത് വളരെ വൈകിയാണെന്നാണ് തോന്നുന്നത്. നാടകം കഴിഞ്ഞ് എല്ലാവരും സ്ഥലം വിട്ടു. :(

Bindhu Unny 17 July 2009 at 14:58  

പോസ്റ്റിഷ്ടായി. കുട്ടിക്കാലത്ത് കണ്ട നാടകങ്ങളെ ഓര്‍മ്മിപ്പിച്ചു. :-)

siva // ശിവ 7 January 2010 at 11:40  

എത്ര നല്ല അനുഭവം ആയിരുന്നിരിക്കണം ആ നിമിഷങ്ങള്‍... കാലങ്ങളുടെ തിരശ്ശീലയ്ക്കു പിന്നില്‍ നിന്ന് മുന്നിലേയ്ക്കെത്താനാകാതെ പിടയുന്നുണ്ടാവണം മഹാനായ ആ കലാകാരന്‍.

കേരളത്തെ രക്ഷിക്കൂ

ചിത്രങ്ങള്‍ പിന്തുടരുന്നവര്‍

കുടുംബചിത്രം

കുടുംബചിത്രം
ശ്രീനിവാസന്‍ എന്ന മുംബൈ കലാകാരന്‍ പിറന്നാള്‍ സമ്മാനമായി വരച്ച് തന്ന കുടുംബ-കാരിക്കേച്ചര്‍ ‍. 10 വയസ്സുകാരി നേഹ കാറിന്റെ പിന്‍ സീറ്റില്‍‍ ഉറങ്ങുന്നുണ്ട്.

96.7 റേഡിയോ

ഇതുവരെ കിട്ടിയ ഇടികള്‍

ചില ചിത്രങ്ങളെപ്പറ്റി

ക്യാമറ, ഫിലിം, ലെന്‍സ്, ഫോക്കസ്, എന്നതൊക്കെ എന്തെന്നറിയാത്ത ഒരുവന്റെ ചില ക്ലിക്കുകള്‍ മാത്രമാണിവ. ഈ ചിത്രങ്ങളിലൂടെ എന്തെങ്കിലും കാണാക്കാഴ്ച്ചകള്‍ ബൂലോകത്തെത്തിക്കുവാന്‍ ശ്രമിക്കുക എന്നത് മാത്രമാണ്‌ ഈയുള്ളവന്റെ ലക്ഷ്യം.

ഞാന്‍

My photo
പ്രീഡിഗ്രി വരെ തീരെ ആളനക്കമില്ലാത്ത ജീവിതം. എഞ്ചിനീയറീങ്ങ് ബിരുദ പഠനത്തിനായി കണ്ണൂരെത്തിയതോടെ ജീവിതം സംഭവബഹുലം. വിദ്യാർത്ഥി ജീവിതത്തിന് ശേഷം നിത്യവൃത്തിക്കായി മുംബൈ മഹാനഗരത്തിൽ കുറേക്കാലം. അവിടത്തെ സീസണിങ്ങ് കഴിഞ്ഞപ്പോൾ കുറച്ചുകാലം കൊച്ചിയിലെ തെരുവുകളിൽ. പിന്നെയൊരു വ്യാഴവട്ടക്കാലം ഗൾഫ് രാജ്യങ്ങളിലെ എണ്ണപ്പാടങ്ങളിൽ. ഇതിനൊക്കെയിടയ്ക്ക് നല്ലപാതി മുഴങ്ങോടിക്കാരിയുടെ ജോലിസംബന്ധമായി വേറെയും കുറെ മഹാനഗരങ്ങളിൽ. കൃത്യമായി ഒരിടത്ത് തന്നെ തല ചായ്‌ക്കാതെ, വീണിടം വിഷ്ണുലോകമാക്കിയുള്ള അലച്ചിലിപ്പോൾ ഒന്നടങ്ങിയിരിക്കുന്നു. കൊടുങ്കാറ്റിന് മുന്നുള്ള ശാന്തതയാണോ, അണപൊട്ടി ഒലിച്ചുപോകാനുള്ള നിയോഗമാണോ എന്നൊന്നുമറിയാതെ, തന്ന വേഷം ആടിത്തകർത്തുകൊണ്ടിരിക്കുന്നു. അതിനിടയ്ക്ക്, അക്ഷരങ്ങൾ കൊണ്ട് ജാലവിദ്യ കാണിക്കുന്നവർക്കിടയിൽ നിരക്ഷരനായി ഇങ്ങനെയൊരു രംഗം.

മറ്റ് നിരക്ഷര ബ്ലോഗുകള്‍

താഴെ കാണുന്ന ചിത്രങ്ങളില്‍ ക്ലിക്ക് ചെയ്താല്‍ മറ്റ് നിരക്ഷര ബ്ലോഗുകളിലേക്ക് പോകാം.

  © Free Blogger Templates 'Photoblog II' by Ourblogtemplates.com 2008

Back to TOP