വെനീസില് ചെന്നാല് ഗോണ്ടോളയില് കയറാതെ മടങ്ങാനാവില്ല. അര മണിക്കൂര് ഗോണ്ടോള സവാരിക്ക് 80 യൂറോ (ഏകദേശം 4800 രൂപ) ആണ് ചിലവ്. പക്ഷെ, വെനീസില് പോയി എന്ന തോന്നല് ഉണ്ടാകണമെങ്കില് ഗോണ്ടോളയില് കയറിയേ പറ്റൂ.
80 യൂറോ മുടക്കാന് മടിയുള്ളവര്ക്ക് വേണ്ടി ഒരു സൂത്രപ്പണിയുണ്ട്. (നമ്മള് മലയാളികളോടാണോ കളി ?) ആ വിദ്യ അറിയണമെന്നുള്ളവര് 5 യൂറോ വീതം എനിക്ക് മണി ഓര്ഡര് ആയിട്ട് അയച്ച് തന്നാല് മതി.
ഇതുപോലൊരു രംഗം ഇനി എവിടെ കണ്ടാലും നമ്മുടെയൊക്കെ മനസ്സിലേക്കോടിയെത്താന് സാദ്ധ്യതയുള്ള ഒരു വ്യക്തിയുണ്ട്. അദ്ദേഹത്തിന്റെ പേര് ഞാനായിട്ട് പറയേണ്ടതില്ലല്ലോ ?
ബാഴ്സിലോണയിലെ (സ്പെയിന്) ഏറ്റവും തിരക്കുള്ള വീഥിയായ ‘ലാസ് റാംബ്ലാസ്‘- ല് നിന്നുള്ള ഈ ദൃശ്യം ആ വലിയ മനസ്സിന് മുന്നില് സമര്പ്പിക്കുന്നു.
തവളപിടുത്തക്കാരനും, പടംപിടുത്തക്കാരും. പൂര്ണ്ണനഗ്നനായ കുട്ടിയുടെ കയ്യില് തലകീഴായി തൂങ്ങിക്കിടക്കുന്നത് ഒരു തവളയാണ്.
ഈ പ്രതിമയില് എന്നെ ആകര്ഷിച്ച ഒരു കാര്യം, വെറും തറയില് നമ്മളൊക്കെ നില്ക്കുന്നതുപോലെയാണ് ഇതിനെ സ്ഥാപിച്ചിരിക്കുന്നത് എന്നതാണ്. സാധാരണ ഒരു പ്രതിമ സ്ഥാപിക്കുന്നത് ഒരു പീഠത്തിലോ മറ്റോ ആയി നല്ല ഉറപ്പ് കിട്ടുന്ന വിധത്തിലായിരിക്കുമല്ലോ ?! ഇതും നന്നായിട്ടുതന്നെയാണ് ഉറപ്പിച്ചിരിക്കുന്നത്.
വെനീസിലെ(ഇറ്റലി) കനാല്ക്കരയില് നിന്നൊരു ദൃശ്യം.
അതി പുരാതനവും, പ്രശസ്തവുമായ റോമന് കോളോസിയത്തിന് മുന്നില് ഫോട്ടോയ്ക്ക് പോസ് ചെയ്യാനായി ഗ്ല്ലാഡിയേറ്റേഴ്സിന്റെ വേഷമണിഞ്ഞ് കറങ്ങി നടക്കുന്ന രണ്ട് റോമാക്കാരുടെ കാന്ഡിഡ് ഫോട്ടോ.
പടമെടുത്തെന്ന് മനസ്സിലാക്കിയാല് അവര് പണം ചോദിക്കും. ഒന്നും രണ്ടുമൊന്നുമല്ല, 5 യൂറോ കയ്യീന്ന് പോകും. എന്നുവെച്ചാല് 400 രൂഭായോളം ഗോവിന്ദാ....
അതിന്റെ കൂടെ 100 രൂപാ കൂടെ ചേര്ത്താന് 2 പേര്ക്ക് ചെറായി ബ്ലോഗ് മീറ്റില് കുശാലായി മീറ്റാം, ഈറ്റാം. അതുകൊണ്ട്, തല്ക്കാലം പാപ്പരാസിത്ത്വം തന്നെ ശരണം.
.JPG)
സഹൃദയരേ....
രണ്ടാമത്തെ ബെല്ലോടെ നാടകം ആരംഭിക്കുകയായി. അതിനുമുന്പ് ഒരു വാക്ക്.
വര്ഷങ്ങളായി ഈ നാടകം അരങ്ങിലും, ഗ്രന്ഥങ്ങളിലും, പാഠപുസ്തകത്തിലുമൊക്കെയായി വായിക്കുകയും, ആസ്വദിക്കുകയും, പഠിക്കുകയുമൊക്കെ ചെയ്തുകൊണ്ടിരിക്കുന്ന ലോകത്തിലങ്ങോളം ഇങ്ങോളമുള്ള കലാസ്വാദകരായ നല്ല ജനങ്ങള്ക്ക് ഗ്ലോബ് തീയറ്ററിന്റെ കൂപ്പുകൈ.
നിങ്ങള് ഏവരുടേയും അനുഗ്രഹാശീര്വാദത്തോടെ ശ്രീമതി തേ ഷറോക്കിന്റെ സംവിധാനത്തില് ശ്രീ.ഡിക്ക് ബേഡ് രൂപകല്പ്പന ചെയ്ത്, ശ്രീ. സ്റ്റീഫന് വാര്ബെക്ക് കമ്പോസ് ചെയ്ത, ഈ നാടകത്തിന്റെ തിരശ്ശീല ഉയരുകയായി.
കഥ - ആസ് യു ലൈക്ക് ഇറ്റ്.
രചന - വില്യം ഷേക്സ്പിയര്
വേദി - ഷേക്സ്പിയര് ഗ്ലോബ് തീയറ്റര് ലണ്ടന്.
അരങ്ങില് - പ്രധാന കഥാപാത്രങ്ങളെ അവതരിപ്പിച്ചുകൊണ്ട് നവോമി ഫ്രെഡറിക്കും(റോസലിന്ഡ്), ജാക്ക് ലാസ്കിയും(ഓര്ലാന്ഡോ) മറ്റ് 20ല്പ്പരം അനുഗ്രഹീത കലാകാരന്മാരും.
മുന്കാലങ്ങളില് സാക്ഷാല് ഷേക്സ്പിയര് തന്നെ പലപ്പോഴും കഥാപാത്രമായി പ്രത്യക്ഷപ്പെട്ടിട്ടുള്ള, തേംസ് നദിക്കരയിലെ അതിപ്രശസ്തമായ ഷേക്സ്പിയര് ഗ്ലോബ് തീയറ്ററില് നിന്നൊരു നാടക സദസ്സിന്റെ ദൃശ്യം.
ദജ്ജാലിനെ നേരില്ക്കണ്ടു. അതെ ദജ്ജാല് തന്നെ, ഒറ്റക്കണ്ണന് ദജ്ജാല്, ലോകാവസാനമാകുമ്പോള് അവതരിക്കുമെന്ന് വിശുദ്ധ ഗ്രന്ഥത്തില് പറഞ്ഞിരിക്കുന്ന അതേ ദജ്ജാല് തന്നെ.
ലോകാവസാനമായതിന്റെ അടയാളങ്ങള് നമ്മള് കാണാന് തുടങ്ങിയിട്ട് കാലങ്ങള് കുറേയായല്ലോ ? പക്ഷെ, ദജ്ജാലിന്റെ ദ്രംഷ്ടങ്ങള് വളര്ന്നിറങ്ങിയിട്ടുണ്ടെന്നും, അവന് ആയുധം കയ്യിലെടുത്തുകഴിഞ്ഞെന്നും നേരില്ക്കണ്ടപ്പോള് മാത്രമാണ് മനസ്സിലായത്.
നമ്മുടെ ഈ കൊച്ചു പ്ലാനറ്റിന് ഇനി വലിയ ആയുസ്സൊന്നുമില്ല. ദജ്ജാലിന്റെ രൂപത്തില് നമുക്ക് നേരിടേണ്ടി വരുകയും, പൊരുതേണ്ടി വരുകയും ചെയ്യുക പരിസര മലിനീകരണത്തിനോടും, തീവ്രവാദികളോടും, ഗ്ലോബല് വാമിങ്ങിനോടും, ഗ്ലോബല് വാറിനോടും, പന്നിപ്പന്നി അടക്കമുള്ള അസുഖങ്ങളോടുമായിരിക്കും. കിയാം കരീബ്. ജാഗ്രതൈ.
ഇംഗ്ലണ്ടിലെ നാച്ചുറല് ഹിസ്റ്ററി മ്യൂസിയത്തില് നിന്നൊരു ദൃശ്യം.
ലോകം കണ്ടതില്വെച്ചേറ്റവും വലിയ സാഹിത്യകാരനെന്ന് തന്നെ വിശേഷിപ്പിക്കാവുന്ന വില്യം ഷേക്സ്പിയര് ജനിച്ചതും, കുറേക്കാലം ജീവിച്ചിരുന്നതുമായ വീട്.
‘സ്ട്രാറ്റ്ഫോര്ഡ് അപ്പോണ് എവണ്’(Stratford-upon-Avon)എന്ന ഇംഗ്ലീഷ് പട്ടണത്തിലെ ഹെന്ലി സ്ട്രീറ്റില് നിന്നൊരു ദൃശ്യം.
താഴെത്തെ നിലയില് ഏറ്റവും വലത്തുവശത്തുകാണുന്ന ജനലിലൂടെയാണ് അദ്ദേഹത്തിന്റെ പിതാവ് തുകലുകൊണ്ടുള്ള കൈയ്യുറകള് ഉണ്ടാക്കി തെരുവിലൂടെ പോകുന്നവര്ക്ക് വിറ്റിരുന്നത്.
© Free Blogger Templates 'Photoblog II' by Ourblogtemplates.com 2008
Back to TOP